Bestattungen Kling aus Köln

Kootvürstellung

Leev Lück, mer han för üch en Kölsch Sigg gemaht un wolle üch en Freud maache. Mer, dat sin dat Klings Hildegard und dä Philipp, Dudejräver us Ihrefeld. Op der Sigg he künnt ehr stöbere, luure und lese, ävver mer han och en Sigg op Huhdütsch www.bestattungshaus-kling.de. Alsu, mer sind us Ihrefeld un dun en janz Kölle bejrave.

Ehr hat die Möglichkeit all ür Saache bei üch zo huus ze rejele, mer kumme zo üch un sin immer för üch do. Un ne kölsche Redner han mer och, dä üch hilf dat dä /die leeve Verstorvene och op kölsche Aat zor letzte Rauh jon, un die Zoröckjeblevvene met jodem Jewesse dä / die Verstorvene en jode Erennerung behalde künne. Op jede Fall, mer levve dat Kölsche und beede doröm och e ech kölsch Bejrävnis aan. Un e jod Bejrävnis muss nit düür sin. Aanjebod för en Kölsch Bejrävnis. Uns Aanjebod is op Kölsch. Füürbestattung op kölsche Aat. Anjebod för en Bejrävnis op dem Oskirchhof. Uns Aanjebod is op Kölsch.

Sujaa de Zeidung schriev över ons

Bestatterfamilie bietet Beerdigungen auf Kölsch an.

Bericht auf T-online lesen.

Dudekeste

Äschepött meet Kölle vöre drop

Trauerreden op Kölsch

En kölsche Trauerred üvver ne leeve Minsch es jet för et Gemöd. Mer versöke, et Levve von de Dude revue passiere ze looße un se esu zo beschrieve, wie se och wirklich wore. Em Dialek ka'mer vill besser usdröcke, wat ene Minsch usgemaht hät.

Thomas Noll

Ich wor fröher ärg lang Lehrer un maache och zick Johrzehnte Föhrunge durch uns Vatterstadt Kölle. No ben ich ein Pension un halde av un zo ens ein Red op Kölsch om Friedhoff.

Zick bal 30 Johr stonn ich als Trauerrednerin Minsche en Kölle bei. Em persünliche Jeschpräch hür ich Ihnen zo un leihr de Minsch kenne, dä mer verabschiede. Us Ihre Verzällcher un Erinnerunge maach ich eine persünliche Abschiedsred, un bei de Musik för de Trauerfeier helf ich Ihnen och jään.

Evelyn Zimny

Mer maache de Kirchhoffkapell och stievstaats und su künnt et ussinn:

För en Bergräfnis im Äschepott

För en Begräfnis in der Dudekist -op Kölsche Aaat-

Op kölsche Aat en kölsche Ääd

En jood Begrävnis op uns Kölsche Aat He dun mer in der Kirchhoffskapell schön vürbereite, mer nemme en Ieser-Relief un en Kääz met dem Dom vöre drop und de Döcher sin en rut/wieß jehalde. De Blömcher sollte passe un och en rut/wieß jehalde sin. Wichtig: Mer kann däm Dude em Sarg en Beilag maache, dat künnt ne kleine Dom oder Hännesje un Bärbelche sin, die Palett es jroß un bliev inne üvverlooße. För de Organis jit et och jet ze dun, hä spillt, am Aanfang, en der Medde oder, - un, - am Engk vun der Fier, - (je noh Wunsch) - e janz persönlich Leed vun däm oder der Verstorvene, z.B. vum Ostermann, Trude Herr, Millowitsch, he han mer en ech jroße Palett. Am Eng, am Grav, säht unsere Hein noch e paar letzte Avschiedswööd un e Gebedd. Wenn ehr wollt op Kölsch oder och op Huhdütsch.